എ ആർ റഹ്മാന്റെ 'പരം സുന്ദരി' ഗ്രാമിയിലേക്ക് സമർപ്പിച്ചു.

ഹിന്ദി ചിത്രം 'മിമി'ക്ക് വേണ്ടി എ ആർ റഹ്മാൻ ഒരുക്കിയ 'പരം സുന്ദരി' എന്ന ഗാനം അറുപത്തി നാലാമത് ഗ്രാമി പുരസ്കാരത്തിനു സമർപ്പിച്ചു. റഹ്മാൻ തന്നെയാണ് സമൂഹമാധ്യമങ്ങളിലൂടെ ഈ സന്തോഷവാർത്ത ആരാധകരുമായി പങ്കുവച്ചത്. ആരാധകർക്കായി പാട്ടിന്റെ ലിങ്കും അദ്ദേഹം പങ്കുവച്ചു.

അടുത്തമാസം 23ന് ഗ്രാമി പുരസ്കാരത്തിനുള്ള നാമനിർദ്ദേശ പട്ടിക പുറത്തിറങ്ങും .കൃതി സനോൺ, പങ്കജ് ത്രിപാഠി എന്നിവരെ കേന്ദ്ര കഥാപാത്രങ്ങളാക്കി ലക്ഷ്മൺ ഉഠേക്കർ സംവിധാനം ചെയ്ത ചിത്രമാണ് 'മിമി'. ‘പരം സുന്ദരി എന്ന ഗാനത്തിന് വരികൾ എഴുതിയിരിക്കുന്നത് അമിതാഭ് ഭട്ടാചാര്യ ആണ്.

ശ്രേയാ

ഘോഷാലാണ് ഗാനം ആലപിച്ചിരിക്കുന്നത്. റിലീസിന് ശേഷം യൂട്യൂബ് ട്രെൻഡിംഗ് ലിസ്റ്റിൽ നിന്നും മാറാതെ തുടരുന്ന ഈ ഗാനം ഇതിനോടകം 200 മില്യണിൽ അധികം കാഴ്ച്ചക്കാരെ നേടിയിട്ടുണ്ട്. നൃത്ത വീഡിയോകളിലൂടെയും,താരങ്ങളുടെ 'പരം സുന്ദരി ഡാൻസ് ചലഞ്ചി'ലൂടെയും സമൂഹമാധ്യമങ്ങളിൽ ഈ ഗാനം ഏറെ ആഘോഷിക്കപ്പെടുന്നുണ്ട്.