വിജയ് സേതുപതിയും തപ്സീയും; 'അനബൽ സേതുപതി' ഹോട്ട്സ്റ്റാറിലൂടെ

വിജയ് സേതുപതിയും തപ്സീ പന്നുവും ഒന്നിക്കുന്ന ഹൊറർ - കോമഡി ചിത്രം 'അനബൽ സേതുപതി' സെപ്റ്റംബർ 17 ന് ഡിസ്നി പ്ലസ് ഹോട്ട്സ്റ്റാറിൽ റിലീസ് ചെയ്യും. ചിത്രത്തിന്റെ ഫസ്റ്റ് ലുക്ക്‌ പോസ്റ്റർ പുറത്തിറക്കി. സംവിധായകനും നടനുമായ ആർ. സുന്ദരരാജന്റെ മകൻ ദീപക് സുന്ദരരാജനാണ് ചിത്രം സംവിധാനം ചെയ്യുന്നത്.

2 വർഷത്തെ ഇടവേളയ്ക്കു ശേഷമാണ് തപ്സി ഒരു തമിഴ് സിനിമ ചെയ്യുന്നത്. വ്യത്യസ്തമായ ടൈറ്റിലും, പോസ്റ്ററും കൗതുകമുണ്ടാക്കുന്നതാണ്.

ചെന്നൈയിലും ജയ്പൂരിലുമായി ചിത്രീകരണം പൂർത്തിയായ ചിത്രം തമിഴിലും തെലുങ്കിലും ഹിന്ദിയിലും, മലയാളത്തിലുമായി റിലീസ് ചെയ്യും. യോഗി ബാബു, രാധിക ശരത്കുമാർ, രാജേന്ദ്ര പ്രസാദ് എന്നിവരും പ്രധാന കഥാപാത്രങ്ങളായി എത്തുന്നു. പാഷൻ സ്റ്റുഡിയോസിന്റെ ബാനറിൽ സുധൻ സുന്ദരൻ, ജയരാമൻ എന്നിവരാണ് ചിത്രം നിർമിക്കുന്നത്.