അരവിന്ദ് സ്വാമിക്കൊപ്പം കുഞ്ചാക്കോ ബോബൻ തമിഴിൽ. 'രെണ്ടഗം' ടീസർ റിലീസ് ചെയ്തു.

കുഞ്ചാക്കോ ബോബൻ ആദ്യമായി തമിഴ് സിനിമയുടെ ഭാഗമാകുകയാണ് 'രെണ്ടഗ'ത്തിലൂടെ. അരവിന്ദ് സ്വാമിക്കൊപ്പമാണ് ചാക്കോച്ചന്റെ അരങ്ങേറ്റം. നടൻ ആര്യയും ഓഗസ്റ്റ് സിനിമയുടെ ബാനറിൽ ഷാജി നടേശനും ചേർന്ന് നിർമ്മിക്കുന്ന 'രെണ്ടഗം' തീവണ്ടി എന്ന മലയാള സിനിമയുടെ സംവിധായകൻ ഫെലിനിയാണ് സംവിധാനം ചെയ്യുന്നത്. മലയാളത്തിൽ 'ഒറ്റ്' എന്ന പേരിലാകും ചിത്രം റിലീസ് ചെയ്യുന്നത്. തമിഴ് ടീസർ നടൻ കാർത്തി റിലീസ് ചെയ്തു.

എ ആർ റഹ്മാന്റെ സഹോദരീ പുത്രൻ എ എച്ച് കാസിഫ് ആണ് സംഗീത സംവിധായകൻ. 'പതിനെട്ടാം പടി'ക്ക് ശേഷം ഓഗസ്റ്റ് സിനിമ നിർമ്മിക്കുന്ന ചിത്രത്തിന്റെ ലൈൻ പ്രൊഡ്യൂസർ മിഥുൻ എബ്രഹാം ആണ്. ഗൗതം ശങ്കർ ഛായാഗ്രഹണവും അപ്പു ഭട്ടതിരി എഡിറ്റിങ്ങും സുഭാഷ് കരുൺ കലാ സംവിധാനവും നിർവ്വഹിക്കുന്നു. സ്റ്റൻഡ് സിൽവ ആണ് ആക്ഷൻ കോറിയോഗ്രാഫർ.