പുരുഷന്മാരുടെ കണ്ണീരൊപ്പുന്ന സീരിയൽ കില്ലർ! പ്രഭുദേവയുടെ 'ബഗീര' ട്രെയ്ലർ റിലീസ് ചെയ്തു

പ്രഭുദേവ കേന്ദ്രകഥാപാത്രത്തെ അവതരിപ്പിക്കുന്ന സൈക്കോളജിക്കല്‍ ത്രില്ലര്‍ ചിത്രം 'ബഗീര'യുടെ ട്രെയ്‍ലര്‍ റിലീസ് ചെയ്തു. ആദിക് രവിചന്ദ്രന്‍ സംവിധാനം ചെയ്യുന്ന ചിത്രത്തില്‍ സ്ത്രീകളാൽ ചതിക്കപ്പെട്ട പുരുഷന്മാരുടെ കണ്ണീരൊപ്പുന്ന ഒരു സീരിയൽ കില്ലറായാണ് പ്രഭുദേവ എത്തുന്നത്. ആദിക് രവിചന്ദ്രൻ തന്നെയാണ് ചിത്രത്തിന്റെ രചന നിർവഹിച്ചിരിക്കുന്നത്.

വ്യത്യസ്ത ഗെറ്റപ്പുകളില്‍ പ്രഭുദേവ പ്രത്യക്ഷപ്പെടുന്ന ചിത്രത്തില്‍ ഏഴ് നായികമാരാണുള്ളത്. അമൈറ ദസ്തര്‍, രമ്യ നമ്പീശന്‍, ജനനി അയ്യര്‍, സഞ്ജിത ഷെട്ടി, ഗായത്രി ശങ്കര്‍, സാക്ഷി അഗര്‍വാള്‍, സോണിയ അഗര്‍വാള്‍ എന്നിവരാണ് നായികമാർ. സായ് കുമാര്‍, നാസര്‍, പ്രഗതി എന്നിവരും ചിത്രത്തിലുണ്ട്.

ഭരതന്‍ പിക്ചേഴ്സിന്‍റെ ബാനറില്‍ ആര്‍ വി ഭരതന്‍ ആണ് നിർമാണം . സംഗീതം ഗണേശന്‍ എസ്. സെൽവകുമാർ എസ് കെ, അഭിനന്ദൻ രാമാനുജം എന്നിവർ ചേർന്നാണ് ഛായാഗ്രഹണം നിർവ്വഹിക്കുന്നത്.