വീണ്ടും കൈ കെട്ടി സേതുരാമയ്യർ. മമ്മൂട്ടി പുറത്ത് വിട്ട ഫസ്റ്റ് ലുക്ക് വൈറൽ

സേതുരാമയ്യരുടെ കുറ്റാന്വേഷണ കഥകൾ പറയുന്ന സിബിഐ സീരീസിന്റെ അഞ്ചാം ഭാഗമായ CBI 5 ന്റെ ചിത്രീകരണം പുരോഗമിക്കുകയാണ്. സേതുരാമയ്യരുടെ പുതിയ രൂപം കാണാൻ ഒരു കൗതുകം പ്രേക്ഷകരിലുണ്ട്. ഒട്ടേറെ ഫാൻ മെയ്ഡ് ലുക്കുകൾ ഇതിനിടെ പുറത്ത് വന്നിരുന്നു. എന്നാൽ ഇപ്പോൾ ലൊക്കേഷനിൽ നിന്നുള്ള സേതുരാമയ്യരുടെ ഫോട്ടോ പുറഞ്ഞ് വീട്ടിരിക്കുന്നത് മമ്മൂട്ടി തന്നെയാണ്.

Official Leak എന്ന കുറിപ്പോടെയാണ് മമ്മൂട്ടി സോഷ്യൽ മീഡിയയിൽ ഈ ഫോട്ടോ പോസ്റ്റ് ചെയ്തത്. കൈ പിറകിൽ കെട്ടിയുള്ള പ്രശസ്തമായ ആ നടത്തം ആണ് ചിത്രത്തിൽ. ഒട്ടേറെ താരങ്ങൾ ഷെയർ ചെയ്ത ചിത്രം മണിക്കൂറുകൾക്കുള്ളിൽ സോഷ്യൽ മീഡിയയിൽ ചർച്ചയായി. എസ് എൻ സ്വാമിയുടെ തിരക്കഥയിൽ കെ മധു ആണ് CBI 5 ന്റെയും സംവിധായകൻ.