'ഗഗനചാരി' സയൻസ് ഫിക്ഷൻ കോമഡി; ഗോകുൽ സുരേഷും അജു വർഗ്ഗീസും
- POPADOM
- Sep 16, 2021
- 0 min read
ഗോകുൽ സുരേഷ്, അജു വര്ഗ്ഗീസ്, കെ ബി ഗണേഷ് കുമാര് എന്നിവരെ പ്രധാന കഥാപാത്രങ്ങളാക്കി അരുണ് ചന്ദു സംവിധാനം ചെയ്യുന്ന 'ഗഗനചാരി' എന്ന സയൻസ് ഫിക്ഷൻ കോമഡി ചിത്രത്തിന്റെ ഫസ്സ് ലുക്ക് പോസ്റ്റർ റിലീസായി.
അജിത് വിനായക ഫിലിംസിന്റെ ബാനറില് നിര്മിക്കുന്ന ഈ ചിത്രത്തില് അനാര്ക്കലി മരിക്കാര് നായികയാവുന്നു. സാജൻ ബേക്കറിക്ക് ശേഷം അരുൺ ചന്ദു ഒരുക്കുന്ന സിനിമയാണിത്.
സുർജിത്ത് എസ് പൈ ഛായാഗ്രഹണം നിർവ്വഹിക്കുന്നു. സംവിധായകൻ പ്രിയദർശന്റെ അസിസ്റ്റന്റ് ഡയറക്ടർ ശിവ, സംവിധായകൻ അരുൺ ചന്ദു എന്നിവർ ചേർന്ന് തിരക്കഥയും സംഭാഷണവുമെഴുതുന്നു.
അങ്കമാലി ഡയറീസ്, അനുരാഗ കരിക്കിൻ വെള്ളം, ജെല്ലിക്കെട്ട് എന്നീ ചിത്രങ്ങൾക്ക് ശേഷം പ്രശാന്ത് പിള്ള സംഗീതം പകരുന്ന ചിത്രമാണ് 'ഗഗനചാരി'. ചിത്രസംയോജനം-അരവിന്ദ് മന്മദൻ, സീജോ അച്ചു.
കള എന്ന സിനിമയിലെ ചടുലമായ ആക്ഷൻ രംഗങ്ങൾ ഒരുക്കിയ സ്റ്റണ്ട് മാസ്റ്റർ ഫിനിക്സ് പ്രഭുവാണ് ആക്ഷൻ ഡയറക്ടർ. VFX ന് പ്രാധാന്യം ഉള്ള ചിത്രത്തിന്റെ ഗ്രാഫിക്സ് ചെയുന്നത് മെറാക്കി സ്റ്റുഡിയോസ് ആണ്.
ലോക്ഡൗൺ കാലത്ത് കോവിഡ് മാനദണ്ഡങ്ങൾ പൂർണ്ണമായും പാലിച്ചു കൊണ്ട് കൊച്ചിയിൽ ആണ് ഈ പരീക്ഷണ സിനിമ ചിത്രീകരിച്ചത്.
Comments