'പോരാടാനുള്ള ആയുധമാണ് നിയമം' വക്കീൽ വേഷത്തിൽ സൂര്യ

സൂര്യ കേന്ദ്രകഥാപാത്രത്തെ അവതരിപ്പിക്കുന്ന 'ജയ് ഭീം'ന്റെ ട്രെയിലര്‍ റിലീസ് ചെയ്തു. ആദിവാസി സമൂഹത്തിന്റെ അവകാശത്തിനായി പോരാടുന്ന ഒരു അഭിഭാഷകനായാണ്‌ സൂര്യ 'ജയ് ഭീം'ൽ എത്തുന്നത്. കോർട്ട് റൂം ഡ്രാമ ഗണത്തിൽ പെടുന്ന ചിത്രം സംവിധാനം ചെയുന്നത് മാധ്യമപ്രവര്‍ത്തകനും ചലച്ചിത്രകാരനുമായ ടി എസ് ജ്ഞാനവേൽ ആണ്. ആമസോണ്‍ പ്രൈമിലൂടെ നവംബര്‍ രണ്ടിന് ചിത്രം പ്രേക്ഷകരിലേക്ക് എത്തും.

രജിഷ വിജയനാണ് ചിത്രത്തിൽ നായിക കഥാപാത്രത്തെ അവതരിപ്പിക്കുന്നത്. രജിഷയുടെ മൂന്നാമത്തെ തമിഴ് ചിത്രമാണ് 'ജയ് ഭീം' മഹേഷിന്റെ പ്രതികാരത്തിലൂടെ ശ്രദ്ധേയയായ നടി ലിജോമോളും ചിത്രത്തിൽ ഒരു പ്രധാന വേഷം കൈകാര്യം ചെയ്യുന്നു. പ്രകാശ് രാജാണ് മറ്റൊരു കഥാപാത്രത്തെ അവതരിപ്പിക്കുന്നത്.

സൂര്യയുടെ ബാനറായ 2D എന്റെര്‍ടെയ്ന്‍മെന്റാണ് നിർമാണം. എസ് ആര്‍ കതിര്‍ ആണ് ഛായാഗ്രഹണം നിര്‍വ്വഹിച്ചിരിക്കുന്നത്.