ദ ഗ്രേറ്റ് ഇന്ത്യന്‍ കിച്ചണിനു ശേഷം ജിയോ ബേബിയുടെ ആന്തോളജി. 'ഫ്രീഡം ഫൈറ്റ്'

ഏറെ ചർച്ച ചെയ്യപ്പെട്ട 'ദ ഗ്രേറ്റ് ഇന്ത്യന്‍ കിച്ചണ്‍' എന്ന ചിത്രത്തിനു ശേഷം ജിയോ ബേബി ഒരുക്കുന്ന സിനിമ പ്രഖ്യാപിച്ചു. 'ഫ്രീഡം ഫൈറ്റ്' (സ്വാതന്ത്ര്യ സമരം) എന്നു പേരിട്ടിരിക്കുന്ന ചിത്രം ഒരു ആന്തോളജിയാണ് ചിത്രത്തിന്‍റെ ടൈറ്റില്‍ പോസ്റ്റര്‍ സോഷ്യൽ മീഡിയയിലൂടെ മമ്മൂട്ടി റിലീസ് ചെയ്തു.

ജിയോ ബേബിക്കൊപ്പം കുഞ്ഞില മാസ്സിലാമണി, അഖില്‍ അനില്‍കുമാര്‍, ജിതിന്‍ ഐസക് തോമസ്, ഫ്രാന്‍സിസ് ലൂയിസ് എന്നിവർ ചേർന്നാണ് ആന്തോളജി ഒരുക്കുന്നത്. ജോജു ജോര്‍ജ്, രോഹിണി, രജിഷ വിജയന്‍, ശ്രിന്ദ, സിദ്ധാര്‍ഥ ശിവ, കബനി എന്നിവര്‍ കേന്ദ്ര കഥാപാത്രങ്ങളെ അവതരിപ്പിക്കും. ദ ഗ്രേറ്റ് ഇന്ത്യന്‍ കിച്ചണിന്‍റെ നിര്‍മ്മാതാക്കളായ മാന്‍കൈന്‍ഡ് സിനിമാസ്, സിമ്മെട്രി സിനിമാസ് എന്നീ ബാനറുകളില്‍ ജോമോന്‍ ജേക്കബ്, ഡിജോ അഗസ്റ്റിന്‍, സജിന്‍ എസ് രാജ്, വിഷ്‍ണു രാജന്‍ എന്നിവരാണ് ചിത്രം നിര്‍മിക്കുന്നത്. 

മികച്ച ചിത്രം, മികച്ച തിരക്കഥാകൃത്ത്, മികച്ച ശബ്‍ദരൂപകല്‍പ്പന എന്നിങ്ങനെ മൂന്ന് സംസ്ഥാന ചലച്ചിത്ര അവാർഡുകൾ 'ദ ഗ്രേറ്റ് ഇന്ത്യന്‍ കിച്ചണ്‍' നേടിയിരുന്നു.