മൂന്നാമത് രാജ്യാന്തര പുരസ്കാരവുമായി 'ജോജി'

ഫഹദ് ഫാസിലിനെ നായകനാക്കി ദിലീഷ് പോത്തൻ ഒരുക്കിയ 'ജോജി' ബാഴ്സലോണ രാജ്യാന്തര ഫിലിം ഫെസ്റ്റിവലിൽ മികച്ച ചിത്രമായി തിരഞ്ഞെടുക്കപ്പെട്ടു. ചിത്രത്തിന് ലഭിക്കുന്ന മൂന്നാമത്തെ രാജ്യാന്തര പുരസ്കാരമാണിത്. വെഗാസ് മൂവി അവാർഡ്സിൽ മികച്ച നരേറ്റീവ് ഫീച്ചർ ഫിലിമിനുള്ള പുരസ്കാരവും സ്വീഡിഷ് രാജ്യാന്തര ചലച്ചിത്ര മേളയിൽ മികച്ച ചിത്രത്തിനുള്ള പുരസ്കാരവും 'ജോജി' നേടിയിരുന്നു

ശ്യാം പുഷ്കരന്റെ തിരക്കഥയിൽ ദിലീഷ് പോത്തൻ സംവിധാനം ചെയ്ത 'ജോജി' ആമസോൺ പ്രൈം വീഡിയോയിലൂടെയാണ് പ്രേക്ഷകരിലേക്ക് എത്തിയത്. വില്യം ഷേക്സ്പിയറുടെ മാക്ബത്തിൽ നിന്ന് പ്രചോദനം ഉൾകൊണ്ട് ഒരുക്കിയ ചിത്രം ഏറെ പ്രേക്ഷകർക്കിടയിലും നിരൂപകർക്കിടയിലും വലിയ ചർച്ചയായിരുന്നു.