ചാർലിയിലെ കള്ളൻ ഡിസൂസ വീണ്ടുമെത്തുന്നു. സൗബിന്റെ 'കള്ളൻ ഡിസൂസ' ട്രെയിലർ റിലീസ് ചെയ്തു.

ദുൽഖർ സൽമാന്റെ വലിയ ഹിറ്റുകളിലൊന്നായ 'ചാർലി'യിലെ കള്ളൻ ഡിസൂസ സൗബിൻ ഷാഹിറിന്റെ ശ്രദ്ധേയമായ കഥാപാത്രങ്ങളിലൊന്നാണ്. ആ കള്ളൻ ഡിസൂസയെ കേന്ദ്ര കഥാപാത്രമാക്കി ജിത്തു കെ ജയൻ സംവിധാനം ചെയ്യുന്ന സിനിമയാണ് 'കള്ളൻ ഡിസൂസ'. സൗബിനൊപ്പം ദിലീഷ് പോത്തൻ, സുരഭി, ഹരീഷ് കണാരൻ തുടങ്ങിയവരും അഭിനയിക്കുന്ന ചിത്രത്തിന്റെ തിരക്കഥ സജീർ ബാബ എഴുതിയിരിക്കുന്നു. റാംഷി അഹമ്മദ് നിർമ്മിച്ച ചിത്രത്തിൽ സാന്ദ്ര തോമസും നിർമ്മാണ പങ്കാളിയാണ്.

ചാർലി റിലീസായ ആറ് വർഷം കഴിയുമ്പോഴാണ് 'കള്ളൻ ഡിസൂസ' വീണ്ടും എത്തുന്നത്. ചിത്രത്തിന്റെ ട്രെയിലർ സൈന മൂവീസ് യൂട്യൂബിൽ റിലീസ് ചെയ്തു. ഈ മാസം ചിത്രം തിയേറ്ററുകളിൽ റിലീസ് ചെയ്യും.