കോൾഡ് കേസിന് പിന്നാലെ കുരുതിയും ആമസോണിൽ; പൃഥ്വിയുടെ ഓണം റിലീസ്.

പൃഥ്വിരാജിനെ നായകനാക്കി മനു വാര്യർ സംവിധാനം ചെയ്യുന്ന 'കുരുതി' ഒടിടി റിലീസിനൊരുങ്ങുന്നു. ആമസോൺ പ്രൈം വീഡിയോ വഴി ഓഗസ്റ്റ് 11 ന് ഓണം റിലീസായാണ് ചിത്രം പ്രേക്ഷകരിലേക്കെത്തുന്നത്. പൃഥ്വിരാജ് പ്രൊഡക്ഷൻസിന്റെ ബാനറിൽ സുപ്രിയ മേനോൻ നിർമിക്കുന്ന ചിത്രത്തിൽ റോഷൻ മാത്യു, ഷൈൻ ടോം ചാക്കോ, മണികണ്ഠൻ രാജൻ, മുരളി ​ഗോപി, മാമുക്കോയ, സാ​ഗർ സൂര്യ, ശ്രിന്ദ തുടങ്ങിയവർ അണിനിരക്കുന്നു.

ത്രില്ലർ ഗണത്തിൽ ഒരുങ്ങുന്ന കുരുതിയുടെ തിരക്കഥ തയ്യാറാക്കിയിരിക്കുന്നത് IFFK യിൽ പ്രദർശിപ്പിച്ച 'അതിശയങ്ങളുടെ വേനൽ' ന്റെ തിരക്കഥാകൃത്തായ അനീഷ് പള്ളയൽ ആണ്.

മെയ് 13 ന് തിയേറ്റർ റീലിസ് പ്രഖ്യാപിച്ചിരുന്ന 'കുരുതി' കോവിഡ് പ്രതിസന്ധി കാരണം ആമസോൺ പ്രൈമം വഴി റിലീസ് ചെയാൻ അണിയറ പ്രവർത്തകർ തീരുമാനിക്കുകയായിരുന്നു.

റഫീഖ് അഹമ്മദ്, സുജേഷ് ഹരി എന്നിവരുടെ വരികൾക്ക് ജേക്സ് ബിജോയ് സം​ഗീതം ഒരുക്കിയിരിക്കുന്ന ചിത്രത്തിന്റെ ഛായാഗ്രഹണം നിർവഹിക്കുന്നത് അഭിനന്ദൻ രാമാനുജമാണ്.

ആമസോണിൽ ഈ അടുത്ത് റിലീസ് ചെയ്ത പൃഥ്വിരാജ് ചിത്രം 'കോൾഡ് കേസ്' ന് ശേഷം പൃഥ്വി ആരാധകർ വൻ പ്രതീക്ഷയോടെ കാത്തിരിക്കുന്ന ചിത്രമാണ് 'കുരുതി'.