ലാൽജോസ് - സൗബിൻ ചിത്രം 'മ്യാവൂ'; ഫസ്റ്റ്ലുക്ക് പോസ്റ്റർ റിലീസ് ചെയ്തു.

സൗബിൻ സാഹിർ, മംമ്ത മോഹൻദാസ് എന്നിവരെ കേന്ദ്രകഥാപാത്രങ്ങളാക്കി ലാൽജോസ് സംവിധാനം ചെയ്യുന്ന 'മ്യാവൂ' എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ റിലീസ് ചെയ്തു. 'ഏത് ലോക ഭാഷയിലും സ്നേഹത്തിനും സന്തോഷത്തിനും സങ്കടങ്ങൾക്കും ഒരൊറ്റ സ്വരം' എന്ന ടാഗ് ലൈനോടുകൂടിയാണ് പോസ്റ്റർ. ഡോ. ഇക്ബാല്‍ കുറ്റിപ്പുറമാണ്‌ ചിത്രത്തിന് തിരക്കഥ ഒരുക്കിയിരിക്കുന്നത്.

സലിംകുമാർ, ഹരിശ്രീ യൂസഫ് എന്നിവർക്കൊപ്പം രണ്ടു കുട്ടികളും ഒരു പൂച്ചയുമാണ് മറ്റ് കഥാപാത്രങ്ങൾ. ഗൾഫിൽ ജീവിക്കുന്ന ഒരു കുടുംബത്തിന്റെ കഥ പറയുന്ന ചിത്രം പൂർണമായും യുഎഇയില്‍ ആണ് ചിത്രീകരിച്ചിരിക്കുന്നത്.

തോമസ് തിരുവല്ല ഫിലിംസിന്റെ ബാനറിൽ തോമസ്സ് തിരുവല്ലയാണ്‌ ചിത്രം നിർമിക്കുന്നത്. ഛായാഗ്രഹണം അജ്മൽ സാബു. സുഹൈല്‍ കോയയുടെ വരികള്‍ക്ക് ജസ്റ്റിന്‍ വര്‍ഗ്ഗീസിന്റേതാണ് സംഗീതം.