ലിജോ ജോസ് പെല്ലിശ്ശേരിയുടെ ചുരുളി സോണി ലിവിൽ. തീയതി അറിയിച്ച് പുതിയ ട്രെയിലർ

IFFK പ്രദർശനത്തിലൂടെ ശ്രദ്ധേയമായ ലിജോ ജോസ് പെല്ലിശ്ശേരി സംവിധാനം ചെയ്ത ചുരുളി SonyLiv OTT പ്ലാറ്റ്ഫോമിലൂടെ റിലീസ് ചെയ്യും. ഈ മാസം 19നാണ് റിലീസ്. റിലീസ് അറിയിച്ചു കൊണ്ടുള്ള പുതിയ ട്രെയിലർ SonyLiv യൂട്യുബിൽ റിലീസ് ചെയ്തു.

ചെമ്പൻ വിനോദും വിനയ് ഫോർട്ടും ജോജു ജോർജും പ്രധാന കഥാപത്രങ്ങളായി എത്തുന്ന ചിത്രത്തിന്റെ തിരക്കഥ എസ് ഹരീഷിന്റേതാണ്. വിനോയ് തോമസിന്റേതാണ് കഥ.

19 ദിവസം കൊണ്ട് ചിത്രീകരിച്ച 'ചുരുളി' IFFKയിൽ കണ്ട പ്രേക്ഷകരും മറ്റ് അഭിനേതാക്കളും ഏറെ പ്രത്യേകതകളുള്ള മികച്ച സിനിമയെന്ന് അഭിപ്രായപ്പെട്ടിരുന്നു. പല തരത്തിലുള്ള റിലീസ് സാധ്യതകൾ സംബന്ധിച്ച ചർച്ചകൾക്കൊടുവിലാണ് 19ന് റിലീസ് ചെയ്യുന്നത്.