മരക്കാർ ഓണം റിലീസ്. പുതിയ തീയതി ഓഗസ്റ്റ് 12

പ്രേക്ഷകർ കാത്തിരിക്കുന്ന മോഹൻലാൽ - പ്രിയദർശൻ ചിത്രം കുഞ്ഞാലി മരക്കാർ അറബിക്കടലിന്റെ സിംഹം ഓണം റിലീസായി ഓഗസ്റ്റ് 12 ന് തിയേറ്റർ റിലീസ് ചെയ്യാനാകുമെന്ന് മോഹൻലാലും പ്രിയദർശനും.

"സ്നേഹത്തോടെ, നിറഞ്ഞ മനസ്സോടെ പ്രതീക്ഷിക്കുകയാണ്, ഈ വരുന്ന ഓഗസ്റ്റ് 12ന്, ഓണം റിലീസ് ആയി മരക്കാർ അറബിക്കടലിന്റെ സിംഹം നിങ്ങളുടെ മുന്നിലെത്തിക്കാൻ ഞങ്ങൾക്ക് കഴിയുമെന്ന്.. അതിനു നിങ്ങളുടെ പ്രാർഥനയും പിന്തുണയും ഉണ്ടാകുമെന്ന വിശ്വാസത്തോടെ ഞങ്ങൾ മുന്നോട്ട് നീങ്ങുന്നു"

2020 മാർച്ച് 26ന് റിലീസ് പ്രഖ്യാപിച്ച ചിത്രം കോവിഡ് കാരണം തിയേറ്ററുകൾ അടച്ചിട്ടതിനാൽ റിലീസ് മാറ്റിവെക്കേണ്ടി വരികയായിരുന്നു. പിന്നീട് 2021 മാർച്ച് 26ന് റിലീസ് ചെയ്യാൻ തീരുമാനിച്ചെങ്കിലും കോവിഡ് വ്യാപനം രൂക്ഷമായി. 100 കോടി ബാജറ്റിലൊരുങ്ങിയ ആദ്യ മലയാള ചിത്രമായ മരക്കാർ തന്റെയും പ്രിയദർശന്റെയും സിനിമാ ജീവിതത്തിലെ നാഴികക്കല്ലാണെന്നാണ് മോഹൻലാൽ വിശേഷിപ്പിച്ചത്.

അറുപത്തിയേഴാമത് ദേശീയ ചലച്ചിത്ര അവാർഡിൽ മികച്ച ചിത്രത്തിനും സ്പെഷ്യൽ എഫക്ട്സിനും വസ്ത്രലങ്കാരത്തിനുമുള്ള പുരസ്ക്കാരം കുഞ്ഞാലി മരക്കാർ നേടിയിരുന്നു.