'മിന്നൽ മുരളി'യുടെ തീയതി അറിയിച്ച് Netflix

പ്രമേയത്തിന്റെ വൈവിധ്യം കൊണ്ട് പ്രേക്ഷകരിൽ ഒരു കൗതുകമുണ്ടാക്കിയിട്ടുണ്ട്

'മിന്നൽ മുരളി' എന്ന സിനിമ. ഹിറ്റുകൾ മാത്രമൊരുക്കിയിട്ടുള്ള ബേസിൽ ജോസഫ് ഗോദക്ക് ശേഷം ടൊവിനൊക്കൊപ്പം ചേരുന്നു എന്നതും ആകാംക്ഷ ഉണ്ടാക്കുന്നതാണ്. ആഗോള റിലീസായി NETFLIX ലൂടെയാണ് 'മിന്നൽ മുരളി' എത്തുന്നത്. ഡിസംബർ 24 ന് ആകും റിലീസ് എന്ന് NETFLIX ഔദ്യോഗികമായി അറിയിച്ചിരിക്കുകയാണ് ഇപ്പോൾ.

90കളുടെ പശ്ചാത്തലത്തിൽ ആണ് വീക്കെന്റ് ബ്ലോക്ക് ബസ്റ്റേഴ്സ് നിർമിച്ച ഈ ആക്ഷൻ ചിത്രത്തിന്റെ കഥ. ഒരു സാധാരണ മനുഷ്യൻ ഇടിമിന്നലേറ്റ് അസാധാരണ ശക്തി കൈവരിച്ച് സൂപ്പർ ഹീറോ ആയി മാറുന്നു.

ഗുരു സോമസുന്ദരം, ഹരിശ്രീ അശോകൻ, അജു വർഗ്ഗീസ് എന്നിവരുമുണ്ട്. തമിഴ്,തെലുങ്ക്, കന്നഡ,ഹിന്ദി,ഇംഗ്ലീഷ് എന്നീ ഭാഷകളിലും 'മിന്നൽ മുരളി ഡബ്ബ് ചെയ്തിട്ടുണ്ട്.