നയൻതാര - വിഘ്നേഷ് ശിവൻ വിവാഹം നെറ്റ്ഫ്ലിക്സിൽ. സംവിധാനം ഗൗതം മേനോൻ.

തെന്നിന്ത്യൻ താരം നയൻതാരയും സംവിധായകൻ വിഘ്‌നേഷ് ശിവനും ഈ മാസം 9 ന് വിവാഹിതരാകും. ( Nayanthara - Vighnesh Sivan ) ഈ കല്ല്യാണ വാർത്ത സിനിമാസ്വാദകർക്കിടയിൽ ഇപ്പോൾ കൂടുതൽ കൗതുകമായിരിക്കുകയാണ്.

ഗൗതം മേനോനാണ് വിവാഹത്തിന്റെ സംവിധായകനെന്നും Netflix ഈ വിവാഹം സ്ട്രീം ചെയ്യും എന്നുമുള്ള റിപ്പോർട്ടുകളാണ് കൗതുകം കൂട്ടുന്നത്. സെലിബ്രിറ്റികളുടെ വിവാഹ വീഡിയോകൾക്ക് OTT പ്ലാറ്റ്ഫോമിലുള്ള മാർക്കറ്റ് വലുതാണ്. ബോളിവുഡ് താരങ്ങളായ കത്രീന കൈഫിന്റെയും വിക്കി കൗശലിന്റെയും വിവാഹം ആഗോള തലത്തിൽ സ്ട്രീം ചെയ്യാൻ പ്രസിദ്ധമായ ഒരു ഒടിടി പ്ലാറ്റ്ഫോം 100 കോടി രൂപ വാഗ്ദാനം ചെയ്തത് മുൻപ് വാർത്തയായിരുന്നു. അതേ സമയം താരങ്ങളും രാഷ്ട്രീയ നേതാക്കളും ഉൾപ്പെടെ ഒട്ടനവധി പേർക്കാണ് നയൻതാര - വിഘ്നേഷ് ശിവൻ വിവാഹത്തിന് ക്ഷണം. തമിഴ്നാട് മുഖ്യമന്ത്രി സ്റ്റാൻലിനെ കഴിഞ്ഞ ദിവസം ഇരുവരും കത്ത് നൽകി ക്ഷണിച്ചിരുന്നു.