'പുഴു'വിലെ ലുക്കിൽ മമ്മൂട്ടി; ഫസ്റ്റ് ലുക്ക് പോസ്റ്റർ പുറത്തിറങ്ങി.

റതീനയുടെ ആദ്യ സംവിധാന സംരംഭമായ 'പുഴു'വിന്റെ ഫസ്റ്റ് ലുക്ക് പോസ്റ്ററിൽ പുതിയ ലുക്കിൽ മമ്മൂട്ടിയെ കാണാം. വർഷങ്ങളായി മമ്മൂട്ടിയുടെ മേക്കപ്പ്മാനായ എസ് ജോർജ് നിർമിക്കുന്ന സിനിമയിൽ പാർവ്വതി തിരുവോത്താണ് നായിക. ഹർഷാദ്, ഷറഫു, സുഹാസ് എന്നിവരുടേതാണ് തിരക്കഥ. പേരൻപിന്റെ ഛായാഗ്രഹകൻ തേനി ഈശ്വറാണ് പുഴുവും ചിത്രീകരിക്കുന്നത്.

മമ്മൂട്ടിയുടെ അഭിനയ ജീവിതത്തിൽ ഇത്തരത്തിലൊരു കഥാപാത്രം ആദ്യമാണെന്നാണ് റിപ്പോർട്ടുകൾ. 'കസബ'യെ പരാമർശിച്ചുണ്ടായ വിവാദങ്ങൾക്ക് ശേഷം മമ്മൂട്ടിയും പാർവ്വതിയും ആദ്യമായി ഒരു സിനിമയിൽ എത്തുന്നു എന്നത് സിനിമ പ്രഖ്യാപിച്ചപ്പോൾ തന്നെ ചർച്ചയായിരുന്നു.

'പുഴു' വിന്റെ ചിത്രീകരണം തുടരുകയാണ്.