'പുഴു'വിന്റെ സെക്കന്റ്‌ ലുക്ക് റിലീസ് ചെയ്തു. മമ്മൂട്ടിയും പാർവ്വതിയും ഒന്നിക്കുന്ന ചിത്രം.

മമ്മൂട്ടിയും പാർവ്വതി തിരുവോത്തും ആദ്യമായി ഒന്നിക്കുന്ന ചിത്രം 'പുഴു'വിന്‍റെ സെക്കന്‍ഡ് ലുക്ക് പോസ്റ്റര്‍ റിലീസ് ചെയ്തു. സോഫയില്‍ ഇരിക്കുന്ന മമ്മൂട്ടിയെ നോക്കി നില്‍ക്കുന്ന പാര്‍വ്വതിയും ബാലതാരം വാസുദേവ് സജീഷുമാണ് പോസ്റ്ററിൽ ഉള്ളത്.

നവാഗതയായ റത്തീന ഷര്‍ഷാദ് സംവിധാനം ചെയുന്ന ചിത്രം, സിന്‍ സില്‍ സെല്ലുലോയ്ഡിന്റെ ബാനറില്‍ മമ്മൂട്ടിയുടെ മേക്കപ്പ് മാനും സന്തതസഹചാരിയുമായ എസ് ജോര്‍ജാണ് നിര്‍മിക്കുന്നത്. ദുല്‍ഖര്‍ സല്‍മാന്റെ 'വേ ഫെയറര്‍' സഹനിര്‍മാണവും വിതരണവും നിർവ്വഹിക്കുന്ന ആദ്യ മമ്മൂട്ടി ചിത്രം കൂടിയാണ് 'പുഴു'. മമ്മൂട്ടി തന്നെ നായകനായെത്തിയ ഖാലിദ് റഹ്മാന്‍ ചിത്രം 'ഉണ്ട'ക്ക് ശേഷം ഹര്‍ഷദ് തിരക്കഥ ഒരുക്കുന്ന ചിത്രത്തിന് തേനി ഈശ്വർ ഛായാഗ്രഹണം നിർവ്വഹിക്കുന്നു.

മൂന്നാം തവണയാണ് മമ്മൂട്ടി ഒരു വനിതാ സംവിധായകയുടെ സിനിമയിൽ അഭിനയിക്കുന്നത്.