രാജീവ് രവിയും നിവിൻ പോളിയും; തുറമുഖം ടീസർ

നിവിൻ പോളിയെ കേന്ദ്ര കഥാപാത്രമാക്കി രാജീവ് രവി ഛായഗ്രഹണവും സംവിധാനവും നിർവ്വഹിക്കുന്ന പിരീഡ് സിനിമ തുറമുഖത്തിന്റെ ടീസർ റിലീസ് ചെയ്തു. രാജീവ് രവിയുടെ ഭാര്യയും സംവിധായികയുമായ ഗീതു മോഹൻ ദാസാണ് ടീസർ ഒരുക്കിയത്. 1923 - 1957 കാലഘട്ടം പശ്‌ചാത്തലമാക്കിയാണ് ഈ ബിഗ് ബജറ്റ് ചിത്രം.

അച്ഛൻ കെ എം ചിദംബരൻ 1968 ൽ എഴുതിയ തുറമുഖം എന്ന നാടകത്തെ അടിസ്ഥാനമാക്കി ഗോപൻ ചിദംബരമാണ് ചിത്രത്തിന്റെ തിരക്കഥ തയ്യാറാക്കിയത്. ചാപ്പ സംബ്രദായത്തിൽ നിന്നും മാനുഷികമായ തൊഴിൽ രീതികളിലേക്കുള്ള കൊച്ചി തുറമുഖത്തിന്റെ മാറ്റമാണ് കഥ.

ജോജു ജോർജ്, ഇന്ദ്രജിത്, സുദേവ് നായർ, അർജുൻ അശോകൻ, നിമിഷ സജയൻ, പൂർണ്ണിമ ഇന്ദ്രജിത് തുടങ്ങിയവരും പ്രധാന കഥാപാത്രങ്ങളായെത്തുന്നു. അന്നയും റസൂലിലും കമ്മട്ടിപ്പാടത്തിലും രാജീവ് രവിക്കൊപ്പം പ്രവർത്തിച്ച പ്രശസ്ത സംഗീത സംവിധായകൻ കെ എന്ന കൃഷ്ണകുമാറാണ് തുറമുഖത്തിന് പശ്ചാത്തല സംഗീതമൊരുക്കുന്നത്. ഷഹബാസ് അമന്റെ പാട്ടുകളും ചിത്രത്തിലുണ്ട്.