ജാവക്ക് പിന്നാലെ'സൗദി വെള്ളക്ക';തരുൺ മൂർത്തിയും സന്ദീപ് സേനനും

പ്രേക്ഷകർ ഏറ്റെടുത്ത 'ഓപ്പറേഷൻ ജാവ'ക്ക് ശേഷം തരുൺ മൂർത്തി സംവിധാനം ചെയ്യുന്ന സിനിമയാണ് 'സൗദി വെള്ളക്ക'. ഉർവ്വശി തിയേറ്റേഴ്സിന്റെ ബാനറിൽ സന്ദീപ് സേനനാണ് നിർമാണം. ലുക്മാൻ, ദേവി വർമ്മ, ശ്രിന്ദ, ബിനു പപ്പു, ഗോകുലൻ, ധന്യ അനന്യ എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു.

ശരൺ വേലായുധനാണ് ഛായാഗ്രഹകൻ. അൻവർ അലിയുടെ വരികൾക്ക് പാലീ ഫ്രാൻസിസ് സംഗീതം നൽകുന്ന പാട്ടുകൾ ചിത്രത്തിലുണ്ടാകും. തരുൺ മൂർത്തി തന്നെയാണ് തിരക്കഥ എഴുതിയത്. അടുത്ത വർഷം റിലീസ് ചെയ്യാനാണ് പദ്ധതി. ബിജു മേനോൻ നായകനായ 'സത്യം പറഞ്ഞാൽ വിശ്വസിക്കുമോ' ആണ് തൊണ്ടിമുതലും ദ്യക്സാക്ഷിയും നിർമിച്ച ഉർവ്വശി തിയേറ്റേഴ്സിന്റേതായി അവസാനം റിലീസ് ചെയ്ത ചിത്രം.