വേണുവിന്റെ സംവിധാനത്തിൽ 'കാപ്പ' പൃഥ്വിരാജ്, മഞ്ജുവാര്യർ, അന്ന ബെൻ, ആസിഫ് അലി!

പൃഥ്വിരാജ്, ആസിഫലി, അന്നാ ബെൻ, മഞ്ജു വാരിയർ എന്നിവരെ കേന്ദ്ര കഥാപാത്രങ്ങളാക്കി ഛായാഗ്രാഹകൻ വേണു സംവിധാനം ചെയുന്ന പുതിയ ചിത്രമാണ് കാപ്പ. പൃഥ്വിരാജും മഞ്ജുവാര്യരും ആദ്യമായി മുഴുനീള കഥാപാത്രങ്ങളായി ഒന്നിക്കുന്നു എന്ന പ്രത്യേകത കൂടി കപ്പാക്കുണ്ട്.സിനിമ സംഘടനയായ ഫെഫ്കയുടെ റൈറ്റേഴ്‌സ് യൂണിയനും തീയേറ്റേഴ്സ് ഓഫ് ഡ്രീം പ്രൊഡക്ഷനും ചേർന്നാണ് സിനിമ ഒരുക്കുന്നത്.

കേരളത്തിൽ നിലവിലുള്ള കാപ്പ നിയമം പുതുക്കുന്നതും അതിനോട് സംബന്ധിച്ച് തിരുവനന്തപുരത്ത് നടക്കുന്ന ഗുണ്ടാ വിളയാട്ടങ്ങളുമാണ് കഥയുടെ ഇതിവൃത്തം. ജി .ആർ. ഇന്ദുഗോപന്റെ ശംഖുമുഖി എന്ന കഥയെ ആസ്പദമാക്കിയാണ് സിനിമ ഒരുക്കുന്നത്. സിനിമയുടെ തിരക്കഥ രചിച്ചിരിക്കുന്നതും ഇന്ദുഗോപൻ തന്നെയാണ്.

കാപ്പയുടെ എഡിറ്റിംഗ് നിർവഹിക്കുന്നത് മാലിക്കിന്റെ സംവിധായകനായ മഹേഷ് നാരായണനാണ് . ടോൾവിൻ കുര്യാക്കോസ്, ജിനു വി എബ്രഹാം,ദിലീഷ് നായർ എന്നിവർ ചേർന്ന് നിർമിക്കുന്ന ചിത്രത്തിന്റെ സംഗീതം നിർവഹിച്ചിരിക്കുന്നത് ജസ്റ്റിൻ വർഗീസാണ് . സാനു ജോൺ വഗ്ഗീസ് ആണ് ഛായാഗ്രഹകൻ.