'യാരോ' : രാമസീതാ പ്രണയ നൃത്താവിഷ്ക്കാരവുമായി ശാരദാ തമ്പി

തമിഴ് കവിയായ അരുണാചല കവിയുടെ ഏറെ പ്രശസ്തമായ ഒരു സംഗീത നാടകമാണ് രാമനാടകം. കമ്പരാമായണം ആസ്പദമാക്കി രചിച്ച ഇതിലെ 'യാരോ ഇവർ യാരോ' എന്ന ഗാനത്തിന് നൃത്താവിഷ്കാരം ഒരുക്കിയിരിക്കുകയാണ് പ്രശസ്ത നർത്തകി ശാരദാ തമ്പി. സീനിയർ ജേർണലിസ്റ്റായ പ്രിയാ രവീന്ദ്രനാണ് ഈ നൃത്താവിഷ്ക്കാരം സംവിധാനം ചെയ്തിരിക്കുന്നത്.

രാമനാടകത്തിലെ ഒരു രംഗമാണ് ഈ സൃഷ്ടിയുടെ പശ്ചാത്തലം. സീതാ സ്വയംവരത്തിനു മുൻപ് ആദ്യമായി മിഥിലയിൽ വെച്ച് രാമനും സീതയും തമ്മിൽ കണ്ടുമുട്ടുന്നു. രാമൻ മാഹാവിഷ്ണുവായും സീത മാഹാലക്ഷ്മിയായും തങ്ങളിലെ ജന്മജന്മാന്തരങ്ങളായുള്ള പ്രണയത്തെ തിരിച്ചറിയുന്നു. ആ വിശുദ്ധ പ്രണയത്തിന്റെ മനോഹരമായ ആവിഷ്കാരമാണ് 'യാരോ'

രാമനായും സീതയായും എത്തുന്നത് ശാരദാ തമ്പി തന്നെ. ഗാനം ആലപിച്ചിരിക്കുന്നത് ലക്ഷ്മി രംഗൻ. അനന്ത വിലാസം കൊട്ടാരത്തിലാണ് 'യാരോ' ചിത്രീകരിച്ചത്. ഛായാഗ്രഹണം നിർവഹിച്ചിരിക്കുന്നത് അമൻ സജി ഡോമിനിക്.